Ilm haqida maqollar to’plami

Ilm haqida maqollar to’plami. Ilm va ilmsizlik haqida saralangan va guruhlar bo’yicha joylashtirilgan maqollar to’plami.

1. Ilm va Bilimning Ahamiyati

• Bilim — aql chirog‘i.

• Bilim — davlatdan qimmat.

• Bilim — kuchda, kuch — bilimda.

• Bilim baxt keltirar.

• Bilimli — olim, bilimsiz — zohm.

• Bilimli odam — ilikli suyak.

• Ilm — yorug‘lik, jaholat — zulmat.

• Ilmli uy — charog‘on, ilmsiz uy — zimiston.

• Ilmsizga ishonch yo‘q, hunarsizga quvonch yo‘q.

• Ilm — egarlangan ot.

• Ilmli ming yashar, ilmsiz bir yashar.

• Ilmsiz kishi — o‘limga yaqin.

• Oltin olma, bilim ol.

• Go‘zallik — ilm-u ma’rifatda.

• Ilm — tubsiz quduq.

• Ilm topmay, maqtanma.

• O‘qigan — guliston, o‘qimagan — go‘riston.

• O‘qigan — yorug‘, o‘qimagan — choriq.

• O‘qigan — olim, o‘qimagan — o‘ziga zolim.

2. Hunar va Kasbga Oid Maqollar

• Hunar — tuganmas xazina.

• Hunar — oqar buloq, ilm — yonar chiroq.

• Hunar oshatar, mehnat yashnatar.

• Hunarli yigit — mevali daraxt.

• Hunar bo‘lsa qo‘lingda, non topilar yo‘lingda.

• Hunarsiz kun ko‘rmas.

• Hunarsiz — xar, hunarli — zar.

• Hunarsiz tezdan, hunarli xez yaxshi.

• Hunarsizning qirqimi uzun, hunarlining — bichimi.

• Kasbning yomoni yo‘q.

• Har hunarning o‘z siri bor.

• Har kasbning o‘z gashti bor.

• Kasb—kasb, tubi—nasib.

• Ota hunari — bolaga meros.

• Tekin boylik axtarguncha, o‘zingga bop hunar top.

• Tikansiz gul bo‘lmas, mashaqqatsiz hunar.

Tavsiya etamiz : Kiotb haqida maqollar

3. Ilm olish va o‘rganishga chaqiruvchi maqollar

• Avval bil, keyin qil.

• Avval o‘rgan, keyin o‘rgat.

• Ilm olish — nina bilan quduq qazish.

• Ilm istasang, takror qil.

• Ilm izlagan yetar, izlamagan — yitar.

• Qunt bilan o‘rgan hunar, hunardan rizqing unar.

• O‘rganish — bir hunar, o‘rgatish — ikki hunar.

• O‘quvi bor ulg‘ayar, uquvi yo‘q sarg‘ayar.

• O‘qish — jafoli, keti — vafoli.

• O‘qiganing o‘zingga.

• Yuzga kirsang, yuz yil o‘qi.

• O‘qish boshqa, uqish boshqa.

• O‘qigan o‘qdan oshar, nodon turtkidan shoshar.

• O‘qimagan shu damda, turtinar har qadamda.

• Bilmasang, bilgandan so‘ra.

• Bilmagan ayb emas, bilishga tirishmagan ayb.

4. Aql, Idrok va Tajriba

• Aql ko‘pga yetkazar, hunar — ko‘kka.

• Avrasang, oqil bo‘lar, bovrasang, botir bo‘lar.

• Bilmagan barmog‘in tishlar.

• Bilgan — bitirar, bilmagan — yitirar.

• Bilgan o‘zar, bilmagan to‘zar.

• Bilgan o‘qir, bilmagan to‘qir.

• Zehn qo‘ysang bilimga, ilm tomar dilingga.

• Zehn o‘lchovi — naql.

• Ogohlikni ko‘rdan o‘rgan, donolikni — ilmdan.

• Har kimning kasbi — o‘ziga.

• Bilmaganning bilagi tolmas.

Tavsiya qilamiz : Odob va odobsizlik haqida maqollar

5. Ustoz-Shogird, Tajriba

• Ustozsiz shogird — jonsiz kesak.

• Ustadan shogird o‘zar.

• Shogird ustadan o‘tmasa, ish yitar.

• Usta, ishni qilar puxta.

• Usta ko‘rmagan shogird har maqomga yo‘ig‘alar.

• Shogirding oqil bo‘lsa — boshingda toj, erka bo‘lsa — boshga tayoq.

• Shogirding befarosati, ustozni muttaham qilar.

• Har ishning bir ustasi bor, har ustaning — ustozi.

• Har ish o‘z ustasidan qo‘rqar.

6. Kitob, O‘qish, Savod

• Kitob — aql qayrog‘i.

• Kitobsiz aql — qanotsiz qush.

• Kitob ko‘rmagan kalla — giyoh unmagan dala.

• Ilmni mehnatsiz egallab bo‘lmas.

• O‘qimay mulla bo‘lgan, cho‘qimay qarg‘a bo‘lar.

• O‘qigan — ikki til, o‘qimagan — bir tayoq.

7. Bilimsizlik va Nodonlikka Tanqid

• Bilimsizga osh yo‘q, ilmsizga ish yo‘q.

• Ilmsiz mulladan ustiga yuk ortilgan eshak yaxshi.

• Ilmsiz imomdan tuxum qilmaydigan tovuq yaxshi.

• Ilmsiz olim — to‘qimsiz eshak.

• Behunaming hunari — yalqovlik.

• Avom tabib — ofati jon.

• Ilmsiz kishi bosh qashir, xushomadgo‘y — gap tashir.

• Uquvsiz ishboshi bo‘lsa, baqir-chaqirdan chiqmas.

Tavsiya etamiz : Boshqa mavzularda maqollar to’plami