Yil fasllari va tabiat haqida maqollar

Yil fasllari va tabiat haqida maqollar. Ushbu maqollar to’plamida yil fasllari hamda tabiat hodisalari haqida maqollarni ketma-ketlikda saralab joylashtirib boramiz. Siz ulardan foydalanib, o’zingizga kerakli bo’lgan loyihalarda undan bahramand bo’ling.

Fasllar haqiqda maqol.

• Yoz — yozil, qish — qisil.

• Yoz kuyungan, qish suyunar.

• Yoz mevasi — qish xazinasi.

• Yoz qoqisi — qishga dori.

• Yoz harakati — soz harakat.

• Yozgi harakat — kuzgi barakat.

• Yozda boshi pishmaganning, qishda oshi pishmas.

• Yozda jarohat ko‘rsang, qishda rohat ko‘rasan.

• Yozning yozig‘i — qishning ozig‘i.

• Yozning yomg‘iridan qo‘rq, qishning — qirovidan.

• Yozning kuni — yuz turli, qishning kuni — qirq turli.

• Qish — oladan, yoz — moladan.

• Qish qilig‘ini qilmay qo‘ymas, yoz yo‘rig‘ini yo‘ymay qo‘ymas.

• Qish qishligini qilmasa, yoz yozligini qilmas.

• Qishning qori — yozga dori.

• Qishning qahri — kuzga baraka.

• Qishning bir kuni qishning bir oyini boqar.

• Qish qattiq kelsa — it yili.

• Qishning sovug‘ida to‘ngandan, yozning issig‘ida o‘lgan yaxshi.

Tavsiya qilamiz : Kuz haqida maqollar

Yil va oy nomlari haqida

• Asad yo rasad, yo narasad.

• Asad suvi — asal suvi.

• Asadda oralab ye, sunbulada — saralab.

• Dalv kirdi — davr kirdi.

• Jul keldi — hamal keldi.

• Hamal kirdi — amal kirdi.

• Hut kirdi, dehqonning ketiga quit kirdi.

• Hut suviga ho‘kizingni sug‘orma.

• Hut — yut.

• Hutda mol to‘ymasa, odam to‘ymas.

• Savr bo‘lmay, sayron bo‘lmas.

• Savr yomg‘iri — sari oltin.

• Savr kirdi — ekinlarga davr kirdi.

• Saraton — sara ekish.

• Saratonning o‘ni — tegirmonning do‘li.

• Sumbula tug‘sа, suv sovir.

• Sumbulada suv soviydi, Mizonda — kun.

• Mizondan so‘ng yoz bo‘lmas.

• Mizon chiqib, aqrab kirsa — qish.

• Qavs suvi — jon suvi.

Tabiat va ob-havo belgilariga oid

• Yomg‘ir — ekinning joni.

• Er tug‘ilsa — elning baxti, yomg‘ir yog‘sa — yerning baxti.

• Javzodagi yomg‘irdan ilon yog‘sa yaxshi.

• Toqqa yog‘sa, cho‘l obod, cho‘lga yog‘sa, el obod.

• Toqqa qalin qor tushgani — yerning qonib suv ichgani.

• Toza havo — dardga davo.

• Tog‘ havosi — dard davosi.

• Qor yog‘di — don yog‘di, yomg‘ir yog‘di — osh yog‘di.

• Qor — osh bilan non.

• Qora bulutdan tiniq suv tomar.

• Quruq ayoz — tilsiz yov.

• Ertalabki tuman ochar, kechki tuman yopar.

• Qarg‘a qag‘illasa, qishni chaqirar, g‘oz g‘ag‘alasa — yozni.

• G‘oz kelgani — yoz kelgani.

• Laylak kelmay, yoz bo‘lmas, qirg‘iyak chopmay, kuz bo‘lmas.

Yil hayvonlari haqida (Xitoy taqvimiga oid)

• Bars yili — boylik, quyon yili — qahatchilik.

• Sigir yili — to‘qlik, qo‘y yili — yo‘qlik.

• It yili eksang, to‘ng‘iz yili o‘rasan.

• Quyon yili yut bo‘lar.

Hayotiy hikmatli qoida va belgilar

• Yaxshi yil bahoridan ma’lum, yaxshi kun — saharidan.

• Yilning yaxshi kelishi bahordan ma’lum.

• Kun g‘amini sahar ye, yil g‘amini bahor ye.

• Oyning beshidan qo‘rqma, boshidan qo‘rq.

• Oy chalqancha tug‘sa, oy bo‘yi ayoz.

• Oy qulansa, oyog‘ingni uzat, kun qulansa, kuragingni tuzat.

• Payshanbaning kelishi chorshanbadan belgili.

• Juma yog‘sa, shanba tinar.

Tavsiya qilamiz : Boshqa turdagi maqollar to’plami