Xalq donishmandligi: Adolat, insof va insofsizlik haqida maqollar. Ushbu maqollardan juda ko’p joylarda foydalaning.
Adolat haqida
-
Adovat emas, adolat yengar.
-
Adolat qilichi kesgan qo’l og’rimas.
-
Adolat qilichi keskir bo’lar.
-
Palla-palla — shu palla, Adolatda — bir kalla.
-
Odil kishi oyday, Oqib turgan soyday.
-
Haq joyda qaror topar.
-
Haq ishni xalq qo’llar.
-
Haq nohaq bo’lmas.
-
Haq egilar, nohaq sinar.
-
Haq egilsa ham, sinmaydi.
-
Haq o’tar, haqlik yutar. Haq — hamisha g’olib.
-
Haq haqqa chiqar, Nohaqning bo’yni sinar.
Insof va insofsizlik haqida
-
Insof — sari baraka.
-
Insofi borning barakati bor.
-
Insofi yo’qning imoni yo’q.
-
Insofli oshini yer, Insofsiz — boshini.
-
Noinsofga erk bersang, elni talar.
-
Noinsofni tuzkonda ko’r.
-
O’g’ri bo’l, qaroqchi bo’l, insofli bo’l.
Tavsiya etamiz : Boshqa turdagi maqollar
Poraxo‘rlik va qalloblik haqida
-
Pora do’zax eshigini ochar.
-
Pora kanda bo’lmasa, parokanda bo’lasan.
-
Poraxo’r — boyimas, O’g’ri — koyinmas.
-
Poraxo’r besh qo’lini og’ziga tiqar.
-
Poraxo’r — haromxo’r.
-
Poraxo’rning tavbasidan qo’rq, Mug’ombirning — yig’isidan.
-
Poraxo’rning qo’li to’rtta, Ko’zi — beshta.
-
Jallob — turgan-bitgani qallob.
Yetim va bechora haqida
-
Yetim-etim demangiz, Yetim haqin yemangiz.
-
Yetimni yig’latma.
Yaxshi va yomon haqida
-
Bir yaxshiga bir yomon har yerda bor.
-
Yiqilganni tepib o’tma, suyab o’t.
-
Yaxshiga ipak ilashur, Yomonga tikan ilashur.
-
Yaxshiga kun yo’q, Yomonga — balo.
-
Yaxshiga tinim yo’q, Yomonga o’lim yo’q.
-
Yaxshiga yaxshi bo’l, Yomonga — yomon.
Boy va kambag‘al haqida
-
Boyning gapi — o’ng, Yo’qning gapi — to’ng.
-
Semiz — «ko‘rkam», Boy — «chechan».
-
Kimning moli, puli bo’lsa, Avliyoning o’g’li shul.
-
Dunyo, moli bo’lmasa, Tomni teshgan o’g’ri shul.
-
Sotuvchi sakkizga sotmaydi, Oluvchi oltiga olmaydi.
Jazo va qilmish oqibati haqida
-
Xatoning yo’ldoshi — jazo.
-
Har kim qazigan chuqurga o’zi yiqilar.
-
O’t bergan o’tini olar, Suv bergan — suvini.
-
Tosh qo’ygan tosh olar, G’isht qo’ygan g’isht olar.
-
Qo’yni ham o’z oyog’idan osarlar, echkini ham.
-
Har kim fe’liga yarasha olar.
Haqiqat haqida
-
Haqiqat — osmonda, Narvoni — hamyonda.
-
Haqiqat o’tda ham kuymas, Suvda ham cho’kmas.
-
Haqiqat qilni qirq yorar.
-
Haqiqatning yuzi — yorug‘, qo‘li — uzun.
Boshqa turli hikmatlar
-
Da’vogar sust bo’lsa, Qozi muttaham bo’lar.
-
Da’vogaring xon bo’lsa, Arzingni Olloga ayt.
-
Birovni qarg’asang, o’zingga urar.
-
Vijdondan kechgan yiqilar.
-
Ko’rgan kuningni unutma, Xom chorig’ingni quritma.
-
Har yerda xo’roz bir xil qichqirar.
-
Qarz, qarzni berish farz.
-
O’g’rining uyi ko’p, To’g’rining uyi yo’q.
Tavsiya etamiz : Boshqa turdagi maqollar
