Ustoz va shogird burchi hamda odobi haqida ma’lumotlar to’plami.
Azaldan ustoz va shogird munosabati muqaddas sanalgan. Ustoz – ilm o‘rgatuvchi, to‘g‘ri yo‘l ko‘rsatuvchi, hayot saboqlarini beruvchi buyuk insondir. Shogird esa ustozdan nafaqat fan, balki axloq, odob va sabrni ham o‘rganadi. Ustoz-shogird munosabati o‘zaro hurmat va burchga asoslangan. Har ikkisi ham o‘z o‘rnini bilib, burchlarini bajarishi kerak.
Asosiy qism
Ustozning asosiy burchi – shogirdiga ilm o‘rgatish, uni hayotga tayyorlash va to‘g‘ri yo‘ldan yurishga undashdir. Chin ustoz o‘z shogirdining kelajagini o‘ylaydi, unga mehr bilan yondashadi, bilimni puxta berishga harakat qiladi. Ustoz nafaqat dars o‘tuvchi o‘qituvchi, balki ma’naviy yo‘lboshchi hamdir.
Shogirdning esa ustoz oldidagi vazifalari juda ko‘p. Avvalo, shogird ustozini hurmat qilishi, unga quloq solishi, bergan bilimlarini o‘zlashtirishga harakat qilishi lozim. Shogird odobli, intiluvchan, kamtar va shukronalik bilan ilm oluvchi bo‘lishi kerak. Ilm talab qilgan kishi sabrli, tinimsiz mehnatkash bo‘lishi orqali ustozining mehnatini qadrlagan bo‘ladi.
O‘zbek xalqida “Ustozni otangdek ulug‘la” degan hikmatli so‘z bejiz aytilmagan. Sababi, ota tirikchilikni, ustoz esa hayotni o‘rgatadi. Shuning uchun ustozning roziligi, duosi shogird hayotida katta o‘rin tutadi. Ustozning gapi yerda qolmasligi, shogird esa hech qachon ustozini unutmasligi kerak.
Xulosa
Xulosa qilib aytganda, ustoz va shogird o‘rtasidagi munosabat – bu ikki tomonlama hurmat va burchdir. Ustoz o‘z burchini vijdonan ado etsa, shogird uni chin dildan qadrlasa, jamiyatda bilimli, tarbiyali, odobli yoshlar kamol topadi. Bu esa nafaqat shaxsiy yutuq, balki butun xalqning kelajagidir. Har bir inson hayotida ustozlarga alohida hurmat va minnatdorchilik tuyg‘usi bo‘lishi kerak. Ustoz va shogird burchi.
O’qituvchilar va murabbiylar kuni insho
Tavsiya etamiz : Boshqa insholar
